Eit…kite ketemu lagi dah. Sebentar lagi hari kemerdekaan kite. Jadi inget jase2 pahlawan kite. Jadi inget Si Jampang dah, nyang entu tuh…pahlawan Betawi nyang ngelawan penjajah belande. Merdeka!
Naa..beberape waktu nyang lalu ane nonton tipi Trans TV. Selesai berita siang, nyambung tentang kuliner. Presenternye si cantik manis aduhai…Susan Bachtiar. Cerita tentang Sate Lembut nyang katenye walaupun makanan khas betawi tapi banyak orang Betokaw kagak tau. Nama warungnye Sate Lembut Hj. Rohmah (alm). Warungnye di Jl. Kebon Kacang 5, sekilas sich tatanan warungnye kayak warung Bubur Babe nyang beberapa taon lalu beken tuh di Kebon Kacang. Yang punya sech namenye Atikah, panggilannye Bu Ika, orang Betawi. Konon dia penerus dari almarhum Bu Hj. Rohmah dibidang warung sate lembut. Mula2 rempah digoreng. Sereh, kunyit, lengkuas en laos (tanpa Vietnam….he..he!) jadi satu digoreng. Daging cincang diadon ame rempah hasil gorengan tadi. Trus, diteplokin di lidi tusuk sate en dibakar kayak sate biasa, pake areng. Rasenye… uuuh…yummmyy. Apelagi ditambah sambel ulekan Bu Ika…wuuuiiiih. Sedep resep mantep…..
Tag: wisata, kuliner, masakan, betawi, wisata kuliner, cina, modern, makanan, komentar, kemerdekaan, bakmi, mie, bendera, bendera merah putih, jajanan, food, makanan betawi, jakarta, ikan, seafood, ikan pari panggang, panggang, Ikan pari, culinair, culinary, ikan pari bakar, wiskul, sate, perubahan, positif, pencerahan, cerdas, ikan bakar, Lembut, sate lembut
Agustus 19, 2008 pukul 12:16 pm
lembut mane ame kapasss
Agustus 19, 2008 pukul 12:20 pm
wuuuiihh, gw jadi laper, itu beneran di kebon kacang? Deket rokum gw donq.
Nopember 1, 2008 pukul 4:48 pm
bacanya aja udah enak banget kayaknya….
:D:D:D
lebih enak lg kayaknya langsung menuju tkp
Nopember 22, 2008 pukul 4:06 pm
aye cuma mao bilangin yang bener aja sich,bahwa sate lembut itu emang sering dibuat same emak gue alm.hj rohmah bukan rochmat dan salah satu penerusnya namenye atikah,yg masih neresin usahe emak aye.tks
Nopember 23, 2008 pukul 12:51 am
Terime kasih banget buat HIKMAH HS nyang udeh ngasih koreksi en kebetulan ente anaknye alm Bu Hj. Rohmah. Tulisan udah aye revisi sesuai ente punya cerite. Ok sampe ketemu ye, kalau ada saran/kritik atawa cerite sekitar kuliner betawi, kirim2 aje ye ke ayé. Trims.
Nopember 23, 2008 pukul 12:56 am
Buat SI ENTONG…no comment.
Buat ATIN dan CPS langsung aje ke Kebon Kacang 5. Atau kalo pengen detail, tanya Mbak Hikmah Hs yang kasih comment di tulisan ini.