Cerita Perjalanan Ke Batam-Singapore (1)

Singapore Harbour Front Area

Disuatu sore jelang malam nyang cukup dingin kire-kire jam 7.45 malam, ujan rintik-rintik aje en abis turun ujan seharian banget niy. Ketoprak Betawi (KB) ketemu ame Irfansyah tetanggenye nyang baru pulang training dari Batam-Singapore. Selaen ngasih KB souvenir kecil, Irfan juga ceritain pengalamannye selame di Batam-Singapore. Ternyate ini mirip pengulangan cerite si Irfan nyang juga ditugasin kantornye 2 taon nyang lalu ke Batam-Singapore-Johor Baru. Liat cerita terdahulu di blog ini berjudul “Lebaran 2008 dan Tugas LN” nyang berseri dari 1 sampe 7 entu.

Instruktur Training Niniek L Karim

Irfansyah, tetangge KB di Kampung Melayu Besar Tebet, nyang masih gawe di perusahaan developer Tanggerang, nyeritain pengalaman doi lagi ke Batam en Singapore. Ceritenye lagi-lagi seru en detail kayak begini:
Rabu, 10 Maret 2010.
Jakarta – Batam.
Siang entu Irfan udeh siap perbekalannye buat terbang ke Batam sore harinye. Perginye doi dalem rangke penugasan ikut training management di Batam-Singapore dari kantornye di Tangerang. Di kantornye, Irfan udeh janjian dipinjemin mobil temennye en dihanterin ame supir kantornye buat ke bandara.

lobby-room-k renang-jacuzzi hotel goodway batam

Berhubung masih ada waktu, acara makan siang dulu deh di warung Padang sekitaran Jl. W. R. Supratman di belakang UIN Ciputat. Bertiga doi lahap juga nech makannye… Irfan, temennye en sopir kantor sampe-sampe keringetan dah.
Selese makan, Irfan nganter temennye pulang dulu di daerah, Kampung Utan Ciputat. Abis gitu langsung dah tancep ke bandara ngelewatin simpang duren, trus ke jalan tol arah serpong.
Menyisir jalan di daerah Tangerang kota, ternyate rada macet juga nech. Sementare perhitungan waktu nyampe bandara pas-pasan kalo ngeliat dari arloji Irfan. Jadi, sepanjang jalan macet, Irfan deg-degan juga…jangan

suasana malam jalanan dari hang nadim ke pusat kota batam

sampe ajeh ditinggal ame pesawat nyang ke Batam.
Sampe di bandara Soekarno-Hatta bener juga, terbu-buru Irfan checkin en langsung ke ruang tunggu nyang ternyate petugasnye udeh nyuruh boarding. Fuuuiiiiihhhh….selamet juga bisa boarding ke pesawat.
Sepanjang perjalanan di dalem pesawat Irfan tidur ajeh supaye bisa seger sesampenye di Batam city. Begitu nyampe di Bandara Hang Nadim, ini ke 3 kalinye Irfan landing di bandara ini, kagak lupa doi foto-foto diri dulu. Maksud hatinye sekalian buat ngeliat perbandingan suasane en perubahan nyang ade di bandara Hang Nadim

malam di bandara hang nadim

dari waktu ke waktu.
Berhubung peraturan di bandara entu buat nyang mau pake taksi ke kota Batam harus ngantri, sementara antrian masih panjang, abis jeprat-jepret kamera digitalnye, Irfan rada haus juga. Doi kepengen nyobain ngopi di bandara dulu deh. Kesane kemari cafe ato kantin-kantin nyang ade di teras bandara udeh pade mau tutup. Rupanye penerbangan Irfan tadi merupakan ketibaan nyang terakhir di malam hari entu di bandara Hang Nadim, jadi rata-rata udeh ada nyang tutup ato mau tutup toko-toko di dalam bandara entu. Emang siy, baru kali ini Irfan nyampe di Batam malam hari, nyang dulu-dulu doi datengnye pagi ame siang hari.
Selese menyeruput kopinye,

ngupi di salero bandaro

Irfan nanya2 kalo taksi ke Hotel Goodway pake nyang mane. Hotel Goodway letaknye di daerah Jodoh. Di tengah kota Batam.

planet holiday-simpang jodoh-baliho jazz


(*)…

Tag: , , , , , , , , , , , , , , , , , , , , , , ,

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s


%d blogger menyukai ini: