Bedah Kuliner: Cappuccino Aik Cheong

Kuliner nyang mao dibedah kali ini minuman kopi. Bangsenye kopi bubuk nyang dalem bentuk sachet. Dikemas dalem bungkus berisi 3 sachet entu bubuk kopi. Di bungkus sisi depannye nyang paling bawah, doi nulis Italian style coffeee in an instant.
Di bungkus entu, ada nomor BPOM RI ML en label halalnye Malaysia, secara ini emang produk Malaysia. Tepatnye dari pabrik di Kawasan Perindustrian Cheng, Melaka, Malaysia.
Diekspor ke Indonesia en Filipina, entu info dari bungkusnye.
Anyway, kudu muter musik JAZZ pengiring buat bedah kuliner ini, judulnye Feel Like Makin’ Love dibawain ala orkestrasi JAZZ Amerika oleh Om Bob James. Lagu entu merupakan JAZZ instrumen produk taon 70’an dari Bob James selagi doi mudanye.
Mulai deh dibedah…  Trus dicicipin entu kopi. Kesan nyang pertame dari rasanye, kerasa hambar atawa tawar. Ada sedikit pahitnye. Ape karena diseduhnye kelamaan. Emang sebelon diaduk di air panas  dari termos (temperatur 90 derajat Celcius),  kire2 3 menit direndem dulu di cangkirnye entu. Jadi berlaenan ame doi punya saran penyajian. Trus, di mulutnye kerasa creamy banget. Busa nyang nempel dibibir kagak berkesan ape2 sech!
Ternyate ditegukan mau abis entu larutannye, masih ada gumpalan bubuk, kayak kite ngaduk kagak tuntas begitu, nyang berase manis. Terakhir2nye ada  juga sech berase manis sedikit. Tapi kurang nendang manisnye. Sedikit ada kesan rase karamel.
Kalo boleh disimpulin, produsennye kepengen jadi minuman kopi nyang menyehatkan en bisa dinikmatin ame semua kalangan termasuk nyang diabetes juga. Terbukti dari daftar nutrisi atawa gizinye, doi kagak ada lemak (fat): 0%. Karbohidrat total: 7% en mengandung dietary fiber (serat diet): 22%.

(BERSAMBUNG)

Tag: , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , ,

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s


%d blogger menyukai ini: