Keju dan Yogurt Turunkan Risiko Diabetes

Mungkin ente ngejauhin makan keju gara2 takut gemuk! Mulai sedari sekarang usahain deh makan keju. Ada penelitian nyang terbaru bilang makan keju nisa nurunin risiko diabetes.

courtesy thesorceress-thesorceressDOTblogspotDOTcom

Emang sih makan keju disukain orang banyak yee. Sayangnye, ahli2 kesehatan ingatin kalo keju punya kandungan lemak jenuh nyang tinggi nyang bisa bikin kegemukan.
Kegemukan sering dihubungin ame nambahnye risiko penyakit diabetes tipe 2. Diabetes tipe 2 entu diabetes mellitus nyang terjadi disebabin kelaenan metabolisme atawa mutasi gen2. Entu penjelasan di Wikipedia.
Kelainan metabolisme entu bisa dicegah atawa disembuhin ame olahraga, pola makan nyang sehat en nurunin berat badan.
Orang nyang makan dua potong keju atawa sekitar 56 gram sehari bisa nurunin risiko diabetes tipe 2 sampe 12 persen. Hasil penelitian entu ada di American Journal of Clinical Nutrition kayak yang ada di majalah Newsmaxhealth edisi 25 juli 2012.
Penelitian ini ngelibatin para ahli Inggris, Spanyol, Italia dan Belanda. Kira2 16.800 orang dewasa nyang sehat en 12.400 pasien diabetes tipe 2 jadi relawan di penelitian entu.
Hasil penelitian didapatin dari ngebandingin nyang makan keju en nyang kagak makan keju dari menu harian masing2.

courtesy lefkoleflyeDOTblogspotDOTcom


Konsumsi yogurt juga sebanyak 56 gram setiap hari bisa ngasih efek nyang sama. Para peneliti percaya dah kalo penurunan risiko diabetes entu ada hubungannye ame bakteri probiotik nyang ada di produk keju dan yogurt.
Dua bahan makanan entu hasilkan macam2 vitamin selama proses fermentasi nye. Vitamin-vitamin entu ngebantu cegah diabetes sambil nurunin kolesterol. Kandungan kalsium, magnesium en vitamin D nyang tinggi di keju en yogurt juga ngasih perlindungan dari diabetes.
Tapi, jangan jadiin keju sebagai menu utama buat ngecegah diabetes. Dr. Iain Frame, direktur penelitian The Charity Diabetes Inggris nyaranin supaya kita nerapin pola makan nyang sehat en seimbang. Pola makan nyang disaranin makanan nyang banyak serat kayak buah en sayuran ama rendah garam en lemak.
Jangan takut-takut kalo makan keju. Asal jumlah nyang ente konsumsi kagak berlebih, keju bisa jaga kesehatan kita.

Sumber:
Vemale.Com di http://vemale.com/kesehatan/13874-makan-keju-turunkan-risiko-diabetes.html
Judul: “Makan Keju Turunkan Risiko Diabetes”, Rabu 1 Agustus 2012

Tag: , , , , , , , ,

Satu Tanggapan to “Keju dan Yogurt Turunkan Risiko Diabetes”

  1. jazzkaltim Says:

    Bagus nii bos artikelnya…trus berkarya…salam JAZZ selalu dari jazzkaltim.wordpress.com

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s


%d blogger menyukai ini: